Сенің зарың – зарлайтыным өмірге,

Сенің арың – арлайтыным өмірде,

Сен не көрсең – мен де соны  көрмекпін

Белді буғам ауырға да, жеңілге.

Сен жыласаң, көзден жасым тамшылар,

Сен қуансаң, қайғы- шерім аршылар,

Айт өлеңді, кең даланы жаңғыртып,

Қойшы- қолаң, кеше жүрген малшылар.

Жылай – жылай қолың жетті теңдікке,

Кім салады енді сені кемдікке?

Бүгінгі күн – шын қуанар мейрамың,

Салшы әнге бойын жазып кеңдікте.